2.

ഗുരുവായൂരപ്പാ തിരുമുൻപിൽ വന്നു
തൊഴുതു നിൽക്കുന്നേനേഴ ഞാൻ
പലനാളായി നിൻ തിരുമുഖം കണ്ടു
ജന്മസാഫല്യം നേടുവാൻ..............

നിറമേഴും തികഞ്ഞുള്ളൊരീ മയിൽ-
പീലി ചൂടുന്ന മൗലിയും
മുരളി ചേരുന്ന തിരുവദനവു-
മാത്മഹർഷമായീടേണം...............

മിഴിതുറക്കുമീ നിറദീപ പ്രഭാ-
പൂരിതം നിന്റെ വിഗ്രഹം
അഗതികൾക്കെന്നുമഭയമായിടും
നിത്യചൈതന്യ വിസ്മയം...................

കലികാലപ്പാപക്കറ കളയുവാൻ
തിരുനാമം ജപം ചെയ്തു ഞാൻ
വന്നു നിൽക്കുന്നു  ചരണമാശ്രയം
കരുണാവാരിധേ  ഗോവിന്ദാ
കരുണാവാരിധേ ഗോവിന്ദാ  ............